Back Luengas polinesias AN لغات بولينيزية Arabic بولينيزى ARZ Llingües polinesies AST Llengües polinèsies Catalan Polynesische Sprachen German Polynesian languages English Polinezia lingvaro Esperanto Lenguas polinesias Spanish Polüneesia keeled Estonian
| Polinesiese tale | |
|---|---|
| Geografiese verspreiding: |
Polinesië |
| Genetiese klassifikasie: |
Austronesies Maleis-Polinesies Kern-Maleis-Polinesies Oseanies Fidjiaans-Polinesies Polinesiese tale |
| Onderafdelings: | |
Die Fidjiaans-Polinesiese tale: Oos-Fidjiaans en Polinesiese tale Wes-Fidjiaans en Rotuman | |
Die Polinesiese tale is een van die twee bekendste en belangrikste taalgroepe van die Oseaniese tale, die ander is die Mikronesiese tale. Dit omvat 38 tale wat deur sowat 900 000 mense in die streek Polinesië gepraat word, vandaar die naam. Die Polinesiese tale bestaan uit drie subgroepe: Die Oos-Polinesiese, die Wes-Polinesiese en die Tongiese tale.
Die grootste van die Oos-Polinesiese tale (volgens moedertaalsprekers) is: Māori (148 000), Tahitiaans (68 000), Cookeilandse Māori (26 710), Rapa Nui (2 700) en Hawais (1 000).
Die grootste van die Wes-Polinesiese tale (volgens moedertaalsprekers) is: Samoaans (413 257), Tuvaluaans (12 510) en Tokelauaans (3 970).
Die Tongiese tak omvat die tale Niuies (7 067) en Tongaans (180 910).
Die meeste van die tale vorm saam met Engels die amptelike tale van die eilandnasies Cookeilande, Hawaii, Nieu-Seeland, Niue, Samoa, Tokelau, Tonga en Tuvalu, onderskeidelik. In teenstelling daarmee word Rapa Nui op die Chileense Paaseiland en Tahitiaans in Frans-Polinesië nie as amptelike tale erken nie. Daarbenewens is die meeste ander Polinesiese tale ernstig bedreig.